2022年7月16日 By 周教練
最近我徒孫嘅徒孫都開始教棋，所以都想做多少少基礎推廣嘅工作，希望引多啲人來學棋。
「堯造圍棋，以教子丹朱」，可見堯帝係史上最早嘅桌上遊戲設計師之一。如果要簡單講圍棋歷史，中國發明圍棋，東傳日本發揚光大確立現代規則，然後演變到中韓爭霸局面，不過最後都係由人工智能去統治人類。
有人問，有電腦之後，人點解仲要捉棋。我諗，跑得快唔過車，跑步都可以係強身健體鍛心鍊智，棋藝向來只係一個進化路徑學習工具，識得捉棋而贏棋其實好低層次，我地追求嘅應該係識得捉棋而博類旁通。理解自身極限，先可以理解學習嘅規律。
以下所寫，係預咗俾大人睇嘅，不過小朋友如果想學，都可以去Youtube睇「周教練 圍棋教室 入門速成」。